Nove foro discoperite in Nederland

[Svenni]

Le organisation del lingua nederlandese, Onze Taal, ha twittrate super le existentia de un nove foro in/super le lingua artificial interlingua. Le ligamine duce al sito del UMI, que - surprisa! - liga al Interforo.

[Taalnieuws] Nieuw internetforum in/over kunsttaal Interlingua. http://bit.ly/hyFlV

[Laurentio]

Multo bon!! Gratias pro le info.

Io non mesme ha probate Twitter, ma il pare que illo pote esser un bon medio de reclamo!

Esque on ancora usa tam ben le servicio "Digg"? (O forsan Twitter lo ha reimplaciate?)

Il probabilemente ha centos de iste servicios/sitos web que on deberea usar pro facer reclamo pro un nove sito, ma infortunatemente io es troppo pigre pro apprender como on lo face.

Un altere cosa que mi pigressa me ha impedite de investigar es como on optimisa Interforo pro motores de recerca - super toto Google, naturalmente. Si alicunos sape alque super isto, lor 'input' es multo benvenite.

[Svenni]

Il probabilemente ha centos de iste servicios/sitos web que on deberea usar pro facer reclamo pro un nove sito, ma infortunatemente io es troppo pigre pro apprender como on lo face.

Twitter non es un cosa que on debe apprender - on simplemente posta su postas. Del resto, le tweeple non ha plus que 140 litteras in lor messages, un ver Schlaraffenland comparate con le blogs e le altere foros ...