Interforo.org

Le foro iberista es un foro ubi le iberistas parla de iberismo. Le iberismo es un ideologia extendite pro Espania e Portugal con le intention de unir le duo paises in uno. Le nova publicate in le menses martio - april 2.010 in Panorama super le conferentia de Interlingua in le Peninsula Iberic in 2.011 va esser recipite multo ben ci... http://iberistas.com/foro/post38646.html#p38646

Hmm. Iste personas al minus non deberea haber objectiones contra le facto que IALA ha combinate le espaniol e le portugese in un sol lingua de controlo pro le scopo del derivation de interlingua.

Io non comprende... Qui es qui ha dicite que ha objectiones contra le facto que IALA ha combinate le espaniol e le portugese in un sol lingua de controlo pro le scopo del derivation de interlingua? Io pensa que il es al contrari: Le combination de espaniol e portugese in un sol lingua es un "maniera de iberismo"... Il es como dicer que espaniol e portugese son linguas tanto proxime que il es possibile unir le duo linguas pro un scopo, e dunque il es possibile etiam un union iberic a nivello del linguas...

Si, le motivation del IALA esseva exactemente como tu lo explica.

Ma, in general, quando on tenta explicar le methodo de derivation del IALA a personas novemente interessate in interlingua, in mi experientia, on frequentemente critica iste combination del espaniol e portugese in un sol lingua de controlo. A vices, il es difficile explicar/"vender" que le ration es simplemente le similaritate linguistic inter le duo linguas iberic.

Mi puncto esseva que un gruppo iberista, que naturalmente recognosce iste similaritate, pare esser un loco ubi non expectar iste criticismo commun.

Perdona me si mi previe message es troppo cryptic.

Le prime cosa: Il non ha nihil pro pernonar...

E post: Le portugeses e le espanioles anti-iberistas dice que le duo linguas "son multe differente" pro defender le idea de que Portugal e Espania ha de esser duo paises, e no uno. E Interlingua, al unificar le duo linguas pro le scopo del derivation de iste lingua, prova que le duo linguas no son tanto differente. Il es per isto que io dice que le iberistas ha de esser orgoliose de Interlingua...

Un espaniol que parla su lingua lentemente e un portugese que audi; le portugese comprende perfectemente. E si le portugese parla su lingua e le espaniol audi, perfectemente comprende, le espaniol. E anque il succede con le svedeses e le norvegianos, per exemplo...