Mi pede sinistre...

[Laurentio]

No, io non va scriber super le film famose, ma narrar que heri io colpava mi pede al bicyclo stationari, e como on sape il non es agradabile colpar le pede a cosas. In iste caso le victima era mi parve digito.

Io me demanda, si illo pote esser fracturate. Illo es assatis rubie-blau, e dole quando io pone peso a illo. Ma sperabilemente si illo era fracturate le dolor serea multo plus forte e constante, nonne?

Al altere latere io non ha multe sensation in iste pede, proque io (como vos forsan sape) fracturava le cavilia ante un medie anno e era operate. Ben, al minus io certo sentiva alco colpante lo!

Io lege in le internet que medicos danese non sole facer multo, si ulle cosa, super digitos de pede rupte, alora forsan le question es un poco academic. Al altere latere, legente paginas american on ha le impression que il es importantissime consultar un medico si un vulnera un digito de pede...

Un cosa linguistic: Io nota que anglese ha un verbo solmente pro ferir le digito de pede: To stub.

Oxford Concise English Dictionary

Codice: Selectionar toto

verb (stubs, stubbing, stubbed)
    accidentally strike (one's toe) against something.
    extinguish (a cigarette) by pressing the lighted end against something.

(Ben, e pro extinguer un cigaretta.)

Anglese es un lingua ric.

[Laurentio]

Esque io mentionava que io anque ha mal de dente?

[Eugene Paul]

Esque io mentionava que io anque ha mal de dente?

Isto es nunc plus seriose. Io spera que vos non d i s i n t e g r a r a !

Eugene Paul

[Laurentio]

Isto es nunc plus seriose. Io spera que vos non d i s i n t e g r a r a !

Io? No, io spera haber al minus alicun annos retro ante le disintegration total... Del resto, per favor 'tutea' me.

Le digito es multo melior... Ma le altere die io oblidava mentionar que io desde menses ha habite dolores in le dextre genu. Io era in un sedia con rotas desde Natal a april, ma post que io ha comenciate ambular io ha registrate dolores quando io as- o descende scalas, me leva de sedias o le solo, e quando io conduce le auto. Ora io ha comenciate timer que quando io habeva mi accidente al 'Vigilia Sancte', io non feriva solmente le humero e le cavilia, ma anque le genu!

Excusa me, io non sape proque io fortia mi jeremiades a te/vos e altere eventual lectores innocente.

[Eugene Paul]

Del resto, per favor 'tutea' me.

Como altere parlatores del lingua de Shakespeare modificate, io nunquam dice 'tu', probabilemente a causa del inoblidabile parolas final de Julius Caesar: "Et tu, Brute?"

Eugene Paul

[Svenni]

Aha, finalmente io comprende: Julius Caesar, le macellero de Gallia, es le ration proque le angleses (le americanos, le esperantistas etc) simplemente dice "vos" a tote le mundo Si, es ver, le lingua anglese es plen de latinitates.

[Laurentio]

Eugene, esque io pote tutear te/vos, si io promitte non pugnalar te/vos postea?

Interessante que in alicun linguas le forma formal ha superate le informal, e vice versa in alteres. In danese le formal "De" es rarissimemente usate. Io ha experientiatate que comissos in supermercatos lo usava - sin dubita proque lor gerente les habeva instruite a facer lo. Ma quando on les tutea, illes immediatemente oblida le instruction.

Totevia alcun annos retro io vehiculava con un juvene taxista qui insisteva a vosear me durante un longe conversation, que tractava tamben proque ille lo faceva. Ma isto io interpretava como un signo de grandissime excentricitate, confinante a insanitate.

In plus io pensa que on dice "De" in le militar, e que membros del familia regal expecta que on lo face. E forsan tamben personas senior/matur del "classe superior".

Io a pena va dicer "De" in serio plus in mi vita - io ha poc respecto pro le duo gruppos justo-mentionate, e incontrante vetule personas normal io timerea offender les per dicer "De" - illes poterea interpretar lo como un signo que io les considera vetule como Methusala.

Excusa me, io digrede...

[Laurentio]

Io a pena va dicer "De" in serio plus in mi vita - io ha poc respecto pro le duo gruppos justo-mentionate, e incontrante vetule personas normal io timerea offender les per dicer "De" - illes poterea interpretar lo como un signo que io les considera vetule como Methusala.

Nota que isto era solmente alicun observationes super le uso del forma formal in danese. In altere linguas io naturalmente es preste a 'vosear', 'vouser', 'Sieen', oder como on lo dice. (Quando in roma...) Solmente non in danese.