Interforo.org • Questiones Frequentemente Ponite (Frequently Asked Questions)

Questiones Frequentemente Ponite (Frequently Asked Questions)

Problemas con identification e registration: Proque io non pote identificar me?; Proque registrar se del toto?; Proque es mi sessiones automaticamente claudite?; Como celar mi nomine de usator in le listas de usatores in linea?; Io ha perdite mi contrasigno!; Io me ha registrate ma io non pote identificar me!; Io me registrava in le passato, ma io non plus pote identificar me?; Que es COPPA?; Proque io non pote registrar me?; Que face le button “Deler tote le cookies del sito”?

Preferentias de usator: Como cambiar mi preferentias?; Le hora non es correcte!; Io ha cambiate le fuso horari, e le hora ancora non es correcte!; Mi lingua non es in le lista!; Como pote io haber un imagine monstrate sub mi nomine de usator?; Que es mi rango, e como pote io cambiar lo?; Quando io clicca al ligamine de e-posta de un usator, le sito me demanda de identificar me?

Publication de messages: Como publicar un nove topico?; Como pote io modificar o deler un message public?; Como pote io adder un signatura a un message public?; Como crear un votation?; Proque io non pote adder plus optiones al votation?; Como pote io modificar o deler un votation?; Proque io non pote haber accesso a un foro?; Proque io non pote adder attachamentos?; Proque io ha recipite un advertimento?; Como pote io reportar messages a un moderator?; Que face le button “Guardar” apud le campo ubi on scribe un message?; Proque debe mi messages public esser approbate?; Como mover mi topico al prime position in le lista de topicos?

Formatos e Typos de Topicos: Que es BBCode?; Esque io pote usar HTML?; Que es Emoticones?; Esque io pote publicar imagines?; Que es annuncios global?; Que es annuncios?; Que es topicos collose (sticky)?; Que es topicos serrate?; Que es icones de topicos?

Nivellos e gruppos de usatores: Que es administratores?; Que es moderatores?; Que es gruppos de usatores?; Ubi es le gruppos de usatores e como pote io junger me a un?; Como pote io devenir le gerente de un gruppo de usatores?; Proque alicun gruppos de usatores appare in un color differente?; Que es un “Gruppo de usatores predefinite”?; Que es le ligamine “Le equipa”?

Messages Private: Io non pote inviar messages private!; Io continua a reciper messages private indesirate!; Io ha recipite un message de e-posta que contine spam o es abusive de un usator de iste foro!

Amicos e ignorates: Que es mi listas de Amicos e Ignorates?; Como pote io adder / remover usatores a mi listas de Amicos o Ignorates?

Recerca del Foros: Como pote io recercar in un foro o foros?; Proque mi recerca dava nulle resultatos?; Proque mi recerca produce un pagina blanc?; Como pote io recercar usatores?; Como pote io trovar mi proprie messages e topicos?

Subscriptiones e Favoritos: Que es le differentia inter adder un topico como favorito e subscriber a (surveliar) un topico?; Como pote io subscriber a un foro o topico specific?; Como cancellar mi subscriptiones?

Attachmentos: Qual attachmentos es permittite in le sito?; Como trovar tote mi attachamentos?

Information de phpBB 3: Qui ha scribite le software de iste tabula de foros?; Proque es iste o ille function non disponibile?; Qui pote io contactar concernente questiones de abuso e/o legalitate concernente iste sito?

Problemas con identification e registration

Proque io non pote identificar me?: Isto pote esser debite a plure cosas. Primo, assecura te que tu nomine de usator e contrasigno es correcte. In caso de si, contacta le proprietor del sito. E pro assecurar te que tu non ha essite expulsate, e assi que le proprietor pote investigar si il ha un problema de configuration.; Initio del pagina

Proque registrar se del toto?: Forsan il non es necessari - le administrator del sito decide si anque personas non registrate pote publicar messages. In tote caso registration va dar te accesso a possibilitates additional, como imagines de avatar (representation graphic de te ipse) definibile, le inviar de messages private, le inviar de messages de e-posta a altere membros, subscription a gruppos de usatores, etc. Le registration dura solmente poc momentos, alora nos recommenda que tu lo face.; Initio del pagina

Proque es mi sessiones automaticamente claudite?: Si tu non marca le checkbox Idendification automatic quando tu te identifica, le sito va solmente tener aperite tu session durante un tempore limitate. Isto impedi le misuso de tu conto per alteres. Pro remaner identificate, marca le checkbox quando tu te ha identificate. Totevia, isto non es recommendabile si tu lege le sito de un computator public, p.ex. in un bibliotheca, cafe de internet, laboratorio computatorial de un universitate, etc. Si tu non pote vider le checkbox, il significa que le administrator ha deactivate iste option.; Initio del pagina

Como celar mi nomine de usator in le listas de usatores in linea?: In tu Pannello de Controlo de Usator, sub “Preferentias del sito” tu trova le option Celar me quando io es in linea. Activa iste option con Si e tu va solmente esser visibile pro le administratores, moderatores, e te mesme. Tu va esser contate como un usator celate.; Initio del pagina

Io ha perdite mi contrasigno!: Sia calme! Ben que nos non pote trovar tu vetule contrasigno, tu pote facilemente haber un nove. Visita le pagina de identification e clicca Io ha oblidate mi contrasigno. Seque le instructiones e tosto tu habera un nove contrasigno.; Initio del pagina

Io me ha registrate ma io non pote identificar me!: Primo, controla tu nomine de usator e contrasigno. Si illos es correcte, il ha (i.a.) duo rationes possibile. Si appoio de COPPA es activate e tu ha indicate, durante le registration, que tu es sub 13 annos de etate, tu debe sequer le instructiones que tu ha recipite. Alicun sitos anque require que nove membratos es activate o per te mesme, o per un administrator ante que tu pote identificar te. Durante le registration tu recipeva informationes super isto. Si tu alora recipeva un message de e-posta, seque le informationes in illo. Si tu non recipeva un tal, forsan tu ha indicate un adresse de e-posta incorrecte o le e-mail pote haber essite interceptate per un filtro de spam. Si tu es secur que le adresse de e-posta que tu indicava durante le registration es correcte, contacta un administrator.; Initio del pagina

Io me registrava in le passato, ma io non plus pote identificar me?: Tenta cercar le e-mail que tu recipeva quando tu te registrava, controla tu nomine de usator e contrasigno, e proba de novo. Il es possibile que un administrator ha deactivate o delite tu conto pro alicun ration. Anque, multe sitos periodicamente remove usatores qui ha essite longemente inactive pro reducir le grandor del base de datos. Si isto ha occurrite, tu pote registrar te de novo e tentar de participar plus in le discussiones.; Initio del pagina

Que es COPPA?: COPPA, o le Child Online Privacy and Protection Act of 1998, es un lege in le Statos Unite que require que sitos web, que possibilemente pote colliger informationes de minores sub 13 annos de etate, debe haber le consentimento de un parente o curator in forma scribite o per un altere methodo que legalmente pote exprimer le consento de istes, permittente le collection de information personalmente identificabile de un minor sub 13 annos de etate. Si tu non sape securmente si isto applica a te, o al sito web al qual tu tenta de registrar te, cerca le assistentia de un consiliator juridic. Per favor nota que le phpBB Group non pote dar concilios legal e non deberea esser contactate concernente tales, excepte in le situationes describe in infra.; Initio del pagina

Proque io non pote registrar me?: Il es possibile que le proprietor del sito web ha bannite tu adresse IP o le nomine de usator que tu tenta registrar. Le proprietor anque pote haber deactivate le option de registrar se pro totes. Consulta un administrator del sito pro assistentia..; Initio del pagina

Que face le button “Deler tote le cookies del sito”?: “Deler tote le cookies del sito” dele le cookies create per phpBB que te rende authenticate e identificate in le sito. Illo anque te da functiones como “read tracking”, si illos ha essite activate per le proprietor. Si tu ha problemas con identificar o disidentificar te, le deletion del cookies pote forsan solver le problema.; Initio del pagina

Preferentias de usator

Como cambiar mi preferentias?: Si tu es un usator registrate, tote tu prefentias es conservate in de base de datos del sito. Pro cambiar los, visita tu Pannello de Controlo de Usator; ibi tu pote cambiar tote tu preferentias. Un ligamine al Pannello normalmente se trova in le parte superior del paginas del sito.; Initio del pagina

Le hora non es correcte!: Possibilemente le hora es monstrate in un false fuso horari. Si isto es le caso, vade a tu Pannello de Controlo de Usator e selige le fuso horari correcte, i.e. de tu area (p.ex. London, Paris, New York, Sydney, etc.). Hic tu anque pote configurar le horologio del sito a monstrar (o non monstrar) le Hora de Estate/DST. Per favor nota que le fuso e le Hora de Estate pote solmente esser cambiate per usatores registrate (le mesme es le caso pro le majoritate del altere preferentias). Si tu non ancora ha registrate te, isto es un bon occassion de facer lo.; Initio del pagina

Io ha cambiate le fuso horari, e le hora ancora non es correcte!: Si tu es secur que le fuso horari e le Hora de Estate/DST es adjustate correctemente, e le hora es ancora incorrecte, alora le horologio del servitor es incorrecte. Per favor notifica un administrator assi que le problema pote esser corrigite.; Initio del pagina

Mi lingua non es in le lista!: Si, illo es: Interlingua. :-) (But here is the original English help text, just in case: Either the administrator has not installed your language or nobody has translated this board into your language. Try asking the board administrator if they can install the language pack you need. If the language pack does not exist, feel free to create a new translation. More information can be found at the phpBB website (see link at the bottom of board pages).; Initio del pagina

Como pote io haber un imagine monstrate sub mi nomine de usator?: Duo imagines pote apparer sub un nomine de usator in messages public. Dependente del stilo graphic del sito, le prime pote esser un imagine associate con tu rango, generalmente in le forma de stellas, blocos o punctos indicante quante messages public tu ha scribite, o tu stato in le sito. Le secunde, usualmente un imagine plus large, es appellate un avatar. Illo es generalmente unic o personal a cata usator. Le administrator del sito decide si avatares es utilisabile e in qual maniera on pote acquirer los. Si tu non pote usar avatares, contacta un administrator pro apprender le causa.; Initio del pagina

Que es mi rango, e como pote io cambiar lo?: Rangos, le quales appare sub tu nomine de usator, indica le numero de messages public que tu ha scribite, o identifica certe usatores, p.ex. moderatores e administratores. In general, tu non pote directemente cambiar le textos que indica le rango - illos es determinate per le administrator del sito. Per favor non tenta de accrescer tu rango per scriber messages innecessari - in le majoritate de sitos isto non es tolerate, e le administrator pote simplemente abassar tu numero de messages contate.; Initio del pagina

Quando io clicca al ligamine de e-posta de un usator, le sito me demanda de identificar me?: Solmente usatores registrate pote inviar e-posta a altere usatores via le formulario de e-posta del sito, e solmente si le administrator ha activate iste function. Isto pro impedir uso maliciose del systema de e-posta per usatores anonyme.; Initio del pagina

Publication de messages

Como publicar un nove topico?: Pro publicar un nove topico in un foro, clicca sur le button relevante in o le indice de foros o de messages. Possibilemente tu debe esser registrate e identificate pro poter publicar un message. Al fundo del pagina del varie foros tu pote vider un lista de tu permissiones in le foro in question. Exemplo: Tu non pote publicar nove topicos, Tu pote participar in votationes, etc.; Initio del pagina

Como pote io modificar o deler un message public?: A minus que tu es un administrator o moderator del sito tu pote solmente modificar o deler tu proprie messages public. Pro modificar un message tue, clicca le button Editar apud le message. In alicun sitos on solmente pote modificar su messages durante un tempore limitate post le publication. Si tu modifica un message al qual il jam ha responsas, un parve texto va esser automaticamente inserite al fundo del message, describente le numero de vices que le message ha essite modificate e le data e hora. Moderatores e administratores pote anque modificar le messages de altere membros. In iste casos illes/as normalmente scribe un parve texto explicante le ration que le message ha esser modificate. Pro deler un message tue, clicca le button Deler (possibilemente representate per un X) apud le message. Si il jam ha responsas al message, tu non pote deler lo a minus que tu es un administrator o moderator.; Initio del pagina

Como pote io adder un signatura a un message public?: Pro facer isto tu debe primo crear un signatura via tu Pannello de Controlo de Usator. Alora quando tu scribe un nove message tu pote marcar le checkbox Attachar un signatura ante que tu lo submitte. Tu pote anque vader a tu profilo e adjustar le software a adder un signatura a tu messages automaticamente. Si tu face isto, tu pote ancora impedir que un signatura es attachate a messages individual per dismarcar le checkbox Attachar un signatura ante que tu submitte le message in question.; Initio del pagina

Como crear un votation?: Initio del pagina

: Quando tu scribe un nove topico o modifica le prime message de un topico existente, tu pote cliccar le etiquetta (tab) “Crear un votation” sub le campo ubi on scribe. (Si tu non pote vider iste etiquetta, tu non ha le permissiones requirite pro crear votationes.) Scribe un titulo e al minus duo optiones in le campos appropriate - cata option debe esser in un linea separate in le area de texto. Tu pote anque determinar pro quante optiones le usatores pote votar sub “Optiones per usator”, tu pote fixar un limite de tempore in dies pro le votation (0 si le votation debe currer indefinitemente), e finalmente tu pote determinar si le usatores pote cambiar lor votos.; Initio del pagina

Proque io non pote adder plus optiones al votation?: Le limite pro le optiones del votationes es fixate per le administrator del sito. Si tu necessita plus optiones, contacta le administrator.; Initio del pagina

Como pote io modificar o deler un votation?: Como anque es le caso pro messages, votationes solmente pote esser modificate per le creator original, un moderator o un administrator. Pro modificar un votation, clicca al button Editar (le message) in le prime message del topico; le votation sempre es associate con le prime message del topico. Si nemo ha votate, le creator pote deler le votation o cambiar tote optiones de illo. Ma si il ha jam habite votos, solmente moderatores or administratores pote modificar o deler le votation. Isto pro impedir que le optiones del votation es cambiate durante le curso de illo.; Initio del pagina

Proque io non pote haber accesso a un foro?: Alicun foros pote esser limitate a certe usatores o gruppos. Pro vider, leger, publicar messages, o exequer altere actiones in iste foros, tu debe haber permissiones special. Contacta un moderator o administrator pro haber accesso.; Initio del pagina

Proque io non pote adder attachamentos?: Permissiones de adder attachmentos pote esser date a foros, gruppos o usatores individual. Le administrator forsan non ha permittite attachamentos in le foro in question, o forsan solmente certe gruppos pote adder los. Contacta le administrator pro apprender proque tu non pote adder attachamentos.; Initio del pagina

Proque io ha recipite un advertimento?: Le administrator de cata sito (p.ex. interforo.org) mesmo decide le regulas del sito e los publica como annuncios o simile. Si tu ha infringite un regula tu pote reciper un advertimento. Per favor nota que isto es le decision del administrator del sito, e non del phpBB Group. Contacta le administrator del sito pro apprender proque tu ha recipite le advertimento.; Initio del pagina

Como pote io reportar messages a un moderator?: Si permittite per le administrator tu pote vider un button pro reportar messages apud le message public que tu desira reportar. Clicca a iste button e seque le informationes que appare al schermo.; Initio del pagina

Que face le button “Guardar” apud le campo ubi on scribe un message?: Iste te permitte de guardar lo que tu ha scribite - assi que tu postea pote recuperar le message, finir lo, e publicar lo. Pro acceder un message que tu ha guardate, vade a "Administrar schizzos" in tu Pannello de Controlo de Usator. Pro publicar le message, vade al foro ubi tu lo scribeva, clicca a "Nove topico", e clicca alora al button "Cargar" que se trova sub le campo de scriber.; Initio del pagina

Proque debe mi messages public esser approbate?: Le administrator pote haber decidite que messages al foro in le qual tu tenta scriber debe esser revidite ante publication. O forsan tu pertine a un gruppo de usatores cuje messages debe esser approbate. In multe sitos, le prime message public de un nove usator debe esser approbate, ma le sequentes non. Per favor contacta un administrator pro plus detalios.; Initio del pagina

Como mover mi topico al prime position in le lista de topicos?: Simplemente invia un responsa al message. Tu pote scriber le parola "bump" in le message - isto es jargon anglese/international e indica que on invia le message solmente pro mover le topico al prime position. (Le messages in un foro es sempre listate secundo le hora quando illos recipeva lor ultime responsa.); Initio del pagina

Formatos e Typos de Topicos

Que es BBCode?: BBCode es un implementation special de HTML, que offere grande controlo del formato de partes de tu messages. Le administrator debe haber activate le uso de BBCode ante que tu pote usar lo. Tu pote anque optar contra le uso de illo quando tu scribe tu messages. BBCode simila multo a HTML, ma le etiquettas (tags) es clausurate in parentheses quadrate [ e ], e non in le < e > de HTML. Pro plus information super BBCode, vide le quida que es accessibile in le pagina ubi tu scribe un message.; Initio del pagina

Esque io pote usar HTML?: No. Il non es possibile usar HTML in iste sito con le resultato intendite, ma per usar BBCode on pote facer quasi le mesme cosas.; Initio del pagina

Que es Emoticones?: Emoticones (o Smileys), es parve imagines que on usa pro exprimer sentimentos. Traditionalmente on los ha scribite per signos grammatic, p.ex. :) significa felice, e :( significa triste. (Proba inclinar le capite a sinistre, e tu potera vider que le colon resimila oculos, e le parenthese resimila un bucca felice o triste.) Quando tu scribe tal combinationes de signos, le software del sito va automaticamente cambiar los a parve imagines (le exemplos in supra va esser cambiate a un ronde facie felice, respectivemente triste). Tu pote vider un lista de tote le emoticones que le software pote cambiar a imagines in le pagina ubi tu scribe le message. Tenta de non usar troppo de emoticones - illos pote facer un message illegibile, e theoreticamente un moderator pote remover los. Le administrator anque pote indicar un limite al numero de emoticones per message.; Initio del pagina

Esque io pote publicar imagines?: Si, imagines pote esser monstrate in tu messages. Si le administrator ha permittite le uso de attachamentos, tu pote forsan telecargar un imagine directemente del disco dur de tu computator al foro. Alteremente tu pote scriber un ligamine a un imagine que se trova in un altere servitor in le web. Pro exemplo tu pote cargar le imagine a tu proprie sito web, blog, etc., o usar un servicio gratuite de publication de photos como 'Picasa' de Google. Le ligamine debe ducer directemente al ligamine, p.ex. http://www.example.com/my-picture.gif . Tu non pote ligar a imagines que solmente se trova a tu proprie PC (a minus que illo es un servitor web publicamente accessibile) o a imagines que se trova detra mechanismos de authentication, p.ex. in tu cassa e-postal de Hotmail o Gmail, in sitos protegite per un contrasigno, etc. Pro monstrar un imagine, usa le etiquetta BBCode [img] .; Initio del pagina

Que es annuncios global?: Annuncios global contine information importante e tu deberea leger los tanto sovente como possibile. Tu los trova in le alto de cata foro e in tu Pannello de Controlo de Usator. Annuncios global pote solmente esser scribite per personas al quales le administrator ha date le permission de scriber tales.; Initio del pagina

Que es annuncios?: Annuncios sovente contine information importante pro le foro in le qual illos se trova, e tu deberea leger los tanto sovente como possibile. Annuncios appare in le alto del foro in le qual illos ha essite publicate. Como es le caso pro annuncios global, annuncios pote solmente esser scribite per personas al quales le administrator ha date le permission.; Initio del pagina

Que es topicos collose (sticky)?: Topicos collose in un foro appare sempre sub le annuncios e solmente in le prime pagina del foro. Illos es sovente importante, alora tu deberea leger los quando possibile. Como es le caso pro annuncios (global), topicos collose pote solmente esser scribite per personas al quales le administrator ha date le permission.; Initio del pagina

Que es topicos serrate?: Topicos serrate es topicos al quales le usatores non plus pote inviar responsas, e si le topico conteneva un votation, illo es automaticamente finite. Topicos pote esser serrate (per un administrator o moderator) pro multe rationes. Si tu ha le permissiones appropriate tu anque mesme pote serrar tu proprie topicos.; Initio del pagina

Que es icones de topicos?: Icones de topicos es imagines seligite per le autor que es associate con le topico pro indicar su contento. Le abilitate de usar icones depende del permissiones indicate per le administrator.; Initio del pagina

Nivellos e gruppos de usatores

Que es administratores?: Administratores es membros que ha essite assignate le nivello de controlo le plus alte del tabula de foros integre. Iste membros pote controllar tote faciettas del operation del systema, inclusive le indication de permissiones, le bannimento de membros, le creation de gruppos de ustatores, le designation de moderatores, etc., dependente del fundator del sito e qual permissiones ille/illa ha date al altere administratores. Istes pote anque haber capacitates de moderation in tote foros, dependente del indicationes del fundator.; Initio del pagina

Que es moderatores?: Moderatores es personas (o gruppos de personas) qui respice le foros de die in die. Illes ha le autoritate de modificar e deler messages e serrar, disserrar, mover, deler e divider topicos in le foros que illes modera. In general moderatores es presente pro evitar que le discussiones devia troppo del topico, e pro obstar le publication de material abusive o offensive.; Initio del pagina

Que es gruppos de usatores?: Le gruppos de usatores es un utensile per le qual le administratores pote plus facilemente manear le communitate. Cata usator pote pertiner a plure gruppos, e cata gruppo pote haber assignate permissiones individual. Assi le administratores pote cambiar le permissiones de multe usatores al mesme tempore, p.ex. le cambiar del permissiones del moderatores, o le dar de accesso a un foro private a certe usatores.; Initio del pagina

Ubi es le gruppos de usatores e como pote io junger me a un?: Tu pote vider tote le gruppos de usatores via le ligamine “Gruppos de usatores” in tu Pannello de Controlo de Usator. Si tu desira junger te a un gruppo, clicca le button appropriate. Ma non tote gruppos ha accesso aperte - alicunes forsan requira que on es approbate, alicunes pote esser serrate, e alicunes mesmo pote haber membratos celate. Si le gruppo es aperte, le cliccar a su button va facer te membro. Si illo requira approbation le cliccar al button va initiar tu requesta de approbation. Le gerente del gruppo es, qui debe approbar tu requesta e ille/illa pote demandar te proque tu desira junger te. Per favor non perseque un gerente de un gruppo pro rejectar tu requesta, ille/illa probabilemente ha su rationes.; Initio del pagina

Como pote io devenir le gerente de un gruppo de usatores?: Le gerente de un gruppo de usatores es normalmente assignate quando le gruppo es create per un administrator. Si tu es interessate in crear un gruppo de usatores, contacta un administrator.; Initio del pagina

Proque alicun gruppos de usatores appare in un color differente?: Un administrator pote assignar un color al membros de un gruppo de usatores pro facer les facilemente identificabile.; Initio del pagina

Que es un “Gruppo de usatores predefinite”?: Si tu es membro de plus que un gruppo de usatores, tu gruppo predefinite es usate pro determinar qual color e rango de gruppo tu debe haber si nihil altere ha essite specificate. Le administrator pote dar te permission de cambiar tu gruppo de usatores predefinite via tu Pannello de Controlo de Usator.; Initio del pagina

Que es le ligamine “Le equipa”?: Iste pagina te forni con un lista del equipa del tabula de foros, inclusive administratores e moderatores e qual foros illes modera.; Initio del pagina

Messages Private

Io non pote inviar messages private!: Tres cosas que pote causar isto es: tu non es registrate e/o identificate, le administrator ha deactivate le option de scriber messages private pro tote le sito, o le administrator ha deactivate iste option pro te personalmente. Contacta un administrator pro plus information.; Initio del pagina

Io continua a reciper messages private indesirate!: Tu pote blocar le messages private de un (o plure) usator(es) particular in tu Pannello de Controlo de Usator. Si tu recipe messages private abusive, tu pote anque informar un administrator; illes pote impedir le usator de inviar messages private.; Initio del pagina

Io ha recipite un message de e-posta que contine spam o es abusive de un usator de iste foro!: Isto nos regretta multo. Le formulario pro inviar e-mails via iste tabula de foros contine salveguardas pro tentar de traciar usatores qui invia tal messages. Alora invia un e-mail al administrator con un copia plen del e-mail que tu ha recipite. Il es multo importante que iste anque include le >>headers<< que contine le detalios del usator qui inviava le e-mail. Alora le administrator pote intervenir.; Initio del pagina

Amicos e ignorates

Que es mi listas de Amicos e Ignorates?: Tu pote usar iste listas pro organisar altere membros del sito. Membros addite a tu lista de amicos va esser listate in tu Pannello de Controlo de Usator, assi que tu facilemente pote vider si illes es in linea e inviar messages private a illes. Si le stilo graphic (template) del foro lo permitte, messages public de iste usatores pote anque esser accentuate. Si tu adde un usator a tu lista de ignorates, tote messages public del usator va esser invisibile pro te.; Initio del pagina

Como pote io adder / remover usatores a mi listas de Amicos o Ignorates?: Tu pote adder usatores a tu lista de duo manieras. In le profilo de tote usatores il ha duo ligamines pro adder los a tu listas de Amicos o Ignorates. Alternativemente tu pote adder usatores al listas in tu Pannello de Controlo de Usator per inserer lor nomine de usator. Hic tu pote anque remover usatores del listas.; Initio del pagina

Recerca del Foros

Como pote io recercar in un foro o foros?: Tu recerca per Inserer un termino de recerca un le campo de recerca que, dependente del stylo usate, normalmente se trova in le parte superior del pagina. In plus le Recerca Avantiate es accessibile per un ligamine sub le campo mentionate.; Initio del pagina

Proque mi recerca dava nulle resultatos?: Le ration le plus probabile es naturalmente que le parola(s) que tu cercava non se trova in le tabula de foros. Un altere ration theoretic es que le parolas cercate ha essite al listas de parolas multo commun le quales non es indexate per le software del sito. In tote caso tu pote anque recercar le sito con Google, scribente site:interforo.org e un o plure terminos de recerca in le campo de Google.; Initio del pagina

Proque mi recerca produce un pagina blanc?: Probabilemente tu recerca retornava tante resultatos que le servitor web non poteva processar los. Usa le Recerca Avantiate e sia plus specific o per recercar de terminos plus specific o per recerca in minus foros. O face un recerca de Google como describite sub “Proque mi recerca dava nulle resultatos?”; Initio del pagina

Como pote io recercar usatores?: Vade al pagina “Membros” e clicca le ligamine “Trovar un membro”.; Initio del pagina

Como pote io trovar mi proprie messages e topicos?: Tu proprie messages public es trovabile o per cliccar “Recercar le messages del usator” in le Pannello de Controllo de Usator, o via tu proprie pagina de profilo. Pro recercar tu topicos, usa le Recerca Avantia e plena le campos appropriate.; Initio del pagina

Subscriptiones e Favoritos

Que es le differentia inter adder un topico como favorito e subscriber a (surveliar) un topico?: Le marcar de favorito in phpBB3 es simile a illo in tu navigator de web. Tu non es notificate quando il ha nove responsas, ma tu pote facilemente retrovar le topico plus tarde. Per contrasto, quando tu es subscribite a un topico o foro tu va esser notificate de nove activitate in illo per le methodos de notification que tu ha selectionate.; Initio del pagina

Como pote io subscriber a un foro o topico specific?: Pro subscriber a un foro specific, entra le foro e clicca le ligamine “Subscriber al foro”. Pro subscriber a un topico, responde a illo con le checkbox “Subscriber” marcate, o clicca al ligamine “Subscriber me al topico” in le topico mesme.; Initio del pagina

Como cancellar mi subscriptiones?: Pro cancellar tu subscriptiones, vade a tu Pannello de Controlo de Usator e seque le ligamines a tu subscriptiones.; Initio del pagina

Attachmentos

Qual attachmentos es permittite in le sito?: Le administrator del sito pote permitter o impedir certe typos de attachamentos. Si tu es inscerte de qual attachamentos pote esser cargate al sito, contacta un administrator pro assitentia.; Initio del pagina

Como trovar tote mi attachamentos?: Pro trovar le lista del attachamentos que tu ha cargate al sito, vade a tu Pannello de Controlo de Usator e seque le ligamines al section de attachamentos.; Initio del pagina

Information de phpBB 3

Qui ha scribite le software de iste tabula de foros?: Iste software (in su forma non modificate) es producite e publicate per e sub le derectos de autor del phpBB Group. Illo es pubcliate sub le GNU General Public License e pote esser liberemente distribuite. Vide le ligamine pro plus detalios.; Initio del pagina

Proque es iste o ille function non disponibile?: Iste software esseva scribite e licentiate a transverso del phpBB Group. Si tu opina que un functionalitate debe esse addite, per favor visita le sito web phpbb.com e vide lo que le phpBB Group ha a dicer super le thema. Per favor non publica requestas de nove functionalitates al foro de phpbb.com; nam le gruppo usa SourceForge pro manear le programmation de nove functiones. Per favor consulta le foros pro apprender si le function jam es sub consideration o in disvellopamento e seque le procedura specificate ibi.; Initio del pagina

Qui pote io contactar concernente questiones de abuso e/o legalitate concernente iste sito?: Initialmente tu pote contactar un del administratores listate in le pagina “Le equipa”. Si tu non recipe ulle responsa contacta alora le proprietor del dominio (face un recerca whois), o si le systema es hospitate per un servicio gratuite (p.ex. Yahoo!, free.fr, f2s.com, etc.), contacta le gerentia o departemento de abuso del servicio. Per favor nota que le phpBB Group ha absolutemente nulle jurisdiction e pote nullemente esser tenite responsabile de como, ubi, o per qui iste tabula de foros (board) es usate. Il es inutile contactar le phpBB Group in relation a qualcunque question legal (p.ex. ordines de cessation e desistation, exigentias de recompensation, pro arrestar commentos defamatori, etc.) que non directemente concerne le sito web phpBB.com o le (functionamento del) software de phpBB in se. Si tu invia e-postas al phpBB Group concernente le uso de iste software per ulle tertie parte tu pote expectar un responsa succincte o nulle responsa del toto.; Initio del pagina

Saltar a: